Cada un de nós apuntouse a este proxecto por diferentes motivos, pero poderiamos dicir que a idea de poder vivir unha experiencia internacional deunos o empuxonciño definitivo. Cousas como ter a oportunidade de coñecer novas culturas, mostrar como é a nosa ou aprender idiomas, son oportunidades que a maioría de nós non queremos perder.

Pero non só tivemos en conta isto. O Eramus + no que estamos (Upcycling lives) baséase en darlle unha nova vida a obxectos que xa non usamos tanto, transformándoos en cousas diferentes, útiles noutros ámbitos da nosa vida. Esta é unha forma de non ter esa necesidade de estar tirando e comprando continuamente, e para nós é moi importante dar visibilidade a accións coma esta. Que queremos dicir con isto? Que este xesto levounos a moitos a apuntarnos a este proxecto.